စစ်တပ်နှင့် K.I.A တို့ တိုက်ပွဲများပြင်ထန်လျက်ရှိ

K.I.A စစ်သားများ

စက်တင်ဘာလ ၁၄ ရက် နေ့လည် ၁း၃၀ နာရီမှ ၂း၀၀ နာရီကျော်အထိစစ်တပ်ရဲ့ စကခ (၂၁) လက်အောက်ခံ ဗန်းမော် (မန်မော်) အခြေစိုက် ခလရ (၄၇) နှင့် K.I.A တပ်မဟာ (၃) လက်အောက်ခံ တပ်ရင်း (၁) တို့အကြား တိုက်ပွဲဖြစ်ပွားခဲ့ကြောင်း မြို့ခံများက သတင်းပေးပို့လာပါတယ်။ စစ်တပ်ရဲ့ (၄၇) မှ အင်အား (၁၀၀) ကျော်သည် မန်ဂျေမုဒ်လုမ် (ManjeMuklum) နယ်မြေသို့ ဝင်ရောက်လာချိန်မှာ K.I.A တပ်ရင်း (၁) တို့က မန်ဂျေမုဒ်လုမ် အနီး ရွာသစ်ကုန်းတဝိုက်တွင် ဝင်ရောက်တိုက်ခိုက်ခဲ့ကြောင်း၊ ယင်းတိုက်ပွဲတွင် စစ်တပ်ဘက်မှ အနည်းဆုံး (၂) ကျဆုံးပြီး အများအပြား ထိခိုက်ဒဏ်ရာရရှိခဲ့ကြောင်း စုံစမ်းသိရှိရပါတယ်။

တဆက်တည်းမှာပင် စက်တင်ဘာလ ၁၄ ရက် နံနက် ၁၁း၃၀ နာရီဝန်းကျင်တွင် K.I.A တပ်မဟာ (၅) လက်အောက်ခံ တပ်ရင်း (၁၈) နယ်မြေဖြစ်တဲ့ ကချင်ပြည်နယ် မြစ်ကြီးနား လိုင်ဇာကားလမ်း နမ်ဆန်ယာန်ကျေးရွာအနီး ခါလာ(Hkala) တောင်ကုန်းမှာ စစ်တပ်ရဲ့စကခ (၂၁) လက်အောက်ခံ လိုင်ဇာဗန်မော် ကားလမ်း နုမ်လာန်အခြေစိုက် ခမရ (၄၃၈) နှင့် K.I.A တို့အကြားတိုက်ပွဲ ဖြစ်ပွားခဲ့ကြောင်း၊ ယင်းတိုက်ပွဲတွင် စစ်တပ်ဘက်မှ ထိခိုက်ဒဏ်ရာရရှိမှု များပြားပြီး တိုက်ပွဲပြင်းထန်ကြောင်း နီးစပ်သူများမှ သတင်းစုံစမ်းသိရှိရပါတယ်။ အခုချိန်မှာ နေရာအနံ့အပြားတွင် စစ်အစိုးရနှင့် ကချင် လွတ်မြောက်ရေးတပ်မတော် ကေအိုင်အေတို့အကြား တိုက်ပွဲများ ပြင်းထန်လျက်ရှိကြောင်း သိရှိနေရပါတယ်။

ကချင်ပြည်နယ် နမ်ဆန်ယာန်တွင် တိုက်ပွဲဖြစ်

စက်တင်ဘာလ (၁၄) ရက် နေ့လည် ၁၂း၀၀ နာရီဝန်းကျင်တွင် K.I.A တပ်ဖွဲ့နှင့် စစ်တပ် ခမရ (၄၃၈) တို့အကြားနမ်ဆန်ယာန် အနီးရှိခါလာ (Hka La) နှင့် ဇိုင်ဝါး (ဇီး) ကျေးရွာအကြားမှာဆက်လက်တိုက်ပွဲဖြစ်ပွားခဲ့သေးကြောင်း ၎င်းကျေးရွာမှ သတင်းရရှိပါတယ်။ ယင်းတိုက်ပွဲတွင် စစ်တပ်ဘက်မှ အထိအခိုက် ရှိခဲ့ပေမယ့် အတိအကျကိုတော့ ဆက်လက်စုံစမ်းလျက်ရှိပါတယ်။

အပြည့်အစုံသို့

ပြန်သိမ်းထားခဲ့ပေးပါဦးဗျာ

စစ်တပ်ရဲ့ စစ်ကြောင်းတစ်ကြောင်းကို K.I.A ဝင်တိုက်

ရှေ့တန်းမထွက်ခင် ရှေ့ဦးစွာ ဘုရားသခင်ထံ
ဆုတောင်းအပ်နံနေသော K.I.A ကချင်မျိုးချစ် စစ်သည်တော်များ (ပုံ-Kachinlandnews)

စက်တင်ဘာလ ၁၃ ရက်နေ့ ၀၇း၀၀ အချိန်ခန့်တွင် ကချင်ပြည်နယ် နဖေ့ါ (Na Hpaw) ကျေးရွာကနေ ဆင်းလာတဲ့ စစ်တပ်ရဲ့ စစ်ကြောင်းအင်အား (၁၃၀) ကျော်ရှိတဲ့ ခလရ (၃၇) စစ်ကြောင်းကို K.I.A ဌာနချုပ် ကာကွယ်ရေး အထူးတပ်ရင်း (၂၅၅) က နဖေါ့ ကျေးရွာအနီးတွင် ခြုံခိုတိုက်ခိုက် ခဲ့ကြောင်း၊ ယင်းတိုက်ပွဲတွင် စစ်တပ်ဘက်မှ အရာရှိ (၂) ဦးအပါအဝင် အများအပြား ထိခိုက်ဒဏ်ရာရ ကျဆုံးမှုရှိကြောင်း၊ ကျေးရွာများနှင့် နီးစပ်သူများကသတင်းပေးပို့လာပါတယ်။

စက်တင်ဘာလ ၁၂ ရက် ၂၀၁၁ ၊ ည ၉း၀၀ ဝန်းကျင်တွင် K.I.A တပ်ရင်း (၁၈) နယ်မြေဖြစ်တဲ့ နမ်ဆန်ယာန်ကျေးရွာမှ မနီးမဝေးမှာရှိတဲ့ ဘန်ဒေါင် (Bandawng) ကျေးရွာမှာ အခြေချနေတဲ့ အမှတ် (၃၇) ခြေလျင်တပ်ကို K.I.A က ဝင်ရောက်စီးနင်းတိုက်ခိုက်ခဲ့ကြောင်း ကျေးရွာနှင့် နီးစပ်သူများထံမှ သတင်းသိရှိရပါတယ်။ ယင်းတိုက်ပွဲတွင် နှစ်ဖက်စလုံးမှ ထိခိုက်ဒဏ်ရာရရှိမှုကိုတော့ ဆက်လက် စုံစမ်းလျက် ရှိပါတယ်။

အူရော်ကောင် (တောင်ကုန်း) မှာ K.I.A နှင့် စစ်တပ်တို့အကြားတိုက်ပွဲဖြစ်ပွား

K.I.A စစ်သားများ

စက်တင်ဘာ (၁၂) ရက်နေ့ မှာကချင်ပြည်နယ် နမ်ဆန်ယာန် ကျေးရွာတွင် K.I.A အဖွဲ့က စစ်တပ်အခြေချတဲ့ အမှတ် (၁၄၂)ခြေလျင်တပ်ကို ဝင်ရောက်စီးနင်းတိုက်ခိုက်၊ မီးရှို့ ဖျက်ဆီးခဲ့ကြောင်း ကျေးရွာနှင့် နီးစပ်သူများကသတင်းပေးပို့လာပါတယ်။ တဆက်တည်းမှာဘဲအူရော်ကောင်(တောင်ကုန်း) မှ ဆင်းလာသောစစ်တပ်၏ စစ်ကြောင်းတကြောင်းကိုK.I.A တပ်တို့က ခြုံခိုတိုက်ခိုက်ခဲ့ရာ စစ်တပ်ဘက်မှ စစ်သားအနည်းဆုံး(၂၀) ဦးကျဆုံးခဲ့ကြောင်း၊ ယင်းတိုက်ပွဲရဲ့ K.I.A တာဝန်ရှိထံမှ စုံစမ်းသိရှိရပါတယ်။ ဒီတိုက်ပွဲဖြစ်ခဲ့စဉ် စစ်တပ်တို့က ဒုမ်ဘန်တောင် (Dum Bang) မှ အမြောက်ကြီးတို့ဖြင့် ပစ်ကူယူခဲ့ကြောင်း သိရှိရပါတယ်။ ဒီတိုက်ခိုက်မှုကြောင့် ဆက်လက်ပြီး တိုက်ပွဲများ ပိုမိုပြင်းထန်လာမှာကို ပြည်သူများက စိုးရိမ်နေကြကြောင်း သိရှိရပါတယ်။

အပြည့်အစုံသို့

ပြန်သိမ်းထားခဲ့ပေးပါဦးဗျာ

ထိပ်ပိုင်းဗိုလ်ချုပ်များကို ခေါ်ယူသတိပေးခဲ့

ဗိုလ်ချုပ် ခင်ဇော်ဦး နှင့် ဗိုလ်ချုပ်ဝေလွင်

တပ်မတော်မှ ထိပ်ပိုင်းအဆင့် (၁) မှ (၅) ရှိနေတဲ့ ဗိုလ်ချုပ်အချို့ကို ခေါ်ယူသတိပေးခဲ့ကြောင်း စစ်ရုံးနဲ့ နီးစပ်သူများက စည်းလုံးခြင်းရဲ့အင်အား ဝက်ဘ်ဆိုဒ်သို့ သတင်းပေးပို့ခဲ့ပါတယ်။ စစ်ရေးချုပ် ဗိုလ်ချုပ် ခင်ဇော်ဦး၊ စစ်ထောက်ချုပ် ဗိုလ်ချုပ်ဝေလွင်၊ တပ်မတော် စစ်ဘက်ရေးရာ လုံခြုံရေး အရာရှိချုပ် ဗိုလ်ချုပ် ကျော်ဆွေတို့အား တပ်မတော်ကာကွယ်ရေးဦးချုပ်က ခေါ်ယူသတိပေးခဲ့တယ်လို့ ဆိုပါတယ်။ ဗိုလ်ချုပ်ခင်ဇော်ဦးဟာ ဦးပိုင်နဲ့ စပ်လျဉ်းပြီး ငွေစာရင်းရှင်းတမ်း ရှုပ်ထွေးမှုနှင့် လက်အောက် တပ်မတော်သားများကို သက်သာချောင်ချိရေး ထိထိရောက်ရောက် မဆောင်ရွက်ပေးနိုင်မှု၊ စစ်မှုထမ်းဟောင်း ရံပုံငွေနှင့် စပ်လျဉ်းပြီး ကားပါမစ် ကိစ္စများဖြစ်ကြောင်း၊ ဗိုလ်ချုပ် ဝေလွင်ကတော့ မြန်မာ့စီးပွားရေး ကော်ပိုရေးရှင်းရဲ့ အရှုံးပေါ်မှု ပြဿနာဖြစ်နိုင်ကြောင်း၊ ဗိုလ်ချုပ်ကျော်ဆွေကတော့ တိုင်းရင်းသားအရေးကိစ္စများ၊ ရန်သူ့သတင်း ဖေါ်ထုတ်နိုင်မှု အားနည်းချက်အပါအဝင် တိုက်ပွဲများ ဆက်လက်ဖြစ်ပွားနေခြင်းနှင့် နယ်ခြားစောင့်တပ် ဖွဲ့စည်းတာကို လက်မခံတဲ့ တိုင်းရင်းသား အဖွဲ့များအား စည်းရုံးနိုင်ခြင်းမရှိတာ ဖြစ်နိုင်ကြောင်း သုံးသပ်ကြပါတယ်။ သူတို့လို အဆင့်မျိုးကို ထပ်မံပြီး အရေးယူတော့မယ်ဆိုရင် ရာထူးတူ နေရာပြောင်းရွေ့ခြင်း မပြုတော့ဘဲ ပြုတ်ရင်ပြုတ် ဒါမှ မဟုတ် ထောင်ချရန်သာ ရှိတော့ကြောင်း သိရှိရပါတယ်။

အပြည့်အစုံသို့

ပြန်သိမ်းထားခဲ့ပေးပါဦးဗျာ

နုမ်လန်ကျေးရွာတွင် တိုက်ပွဲဖြစ်

(တပ်ကအသုံးပြုလေ့ရှိတဲ့ ရုရှားလုပ် mi – 17)

မနေ့က စက်တင်ဘာလ (၁၂) နေ့ နံနက် (၁၁) နာရီဝန်းကျင်တွင် ကချင်ပြည်နယ် နုမ်လန်ကျေးရွာမှာ K.I.A ပြည်သူ့တပ်ဖွဲ့ဖြစ်တဲ့ (MHH) နှင့် စစ်တပ်တို့အကြား တိုက်ပွဲဖြစ်ပွားခဲ့ကြောင်း နီးစပ်သူများမှ သိရှိရပါတယ်။ ထိခိုက်ဒဏ်ရာရမှု အခြေအနေကို ဆက်လက်စုံစမ်းလျက်ရှိနေပါတယ်။

စက်တင်ဘာလ (၁၁) ရက်နေ့ကလည်း နေ့လည် ၁၂း ၃၀ နာရီဝန်းကျင်တွင် K.I.A ရဲ့ ဌာနချုပ်ဟောင်းဖြစ်တဲ့ ပါဂျောင် နဖော့ ( Pa Jau Na Hpaw) မှာအခြေချထားတဲ့ စစ်တပ်မှ တပ်များကို ရဟတ်ယာဉ် ( Helicoptar ) ဖြင့် ဆန်၊ ဆီ၊ ဆား ၊ စသည့် စစ်ရိက္ခာများကိုပို့ပေးခဲ့ကြောင်း K.I.A နှင့် နီးစပ်သူမှ သတင်းပေးပို့လာပါတယ်။ ဒီလိုစစ်အစိုးရဘက်က ရဟတ်ယာဉ်ဖြင့် စစ်ရိက္ခာတွေ ပို့ပေးရတဲ့ အကြောင်းရင်းကတော့ မြေပြင်တွင် တပ်ရိက္ခာပို့တဲ့အချိန်မှာ K.I.A Sniper တပ်ဖွဲ့များက လမ်းမှာ စစ်နည်းဗျူဟာအရ ခြုံခိုဝင်တိုက်၊ ဖြတ်တောက်လေ့ရှိကြောင်း၊ စစ်တပ်တို့ဟာရိက္ခာများကို ပါဂျောင်နဖော့ တောင်ကနေဆင်းပြီး သွားသယ်ယူရလေ့ရှိကြောင်း၊ ယင်းရိက္ခာသွားသယ်တဲ့လမ်းမှာ K.I.A Sniper တပ်ဖွဲ့က တိုက်ခိုက်လေ့ရှိလို့ ရဟတ်ယာဉ်ဖြင့် ပို့ဆောင်ခဲ့တာ ဖြစ်တယ်လို့ သိရပါတယ်။

ဇိုင်ဝါး (ဇီး) ကျေးရွာမှာ တိုက်ပွဲဖြစ်

လွန်ခဲ့တဲ့ စက်တင်ဘာလ (၉) ရက် နေ့ကလည်း ကချင်ပြည်နယ် လိုင်ဇာဘက် သွားတဲ့လမ်း နမ်ဆန်ယာန် အနီးမှာရှိတဲ့ ဇိုင်ဝါး (ဇီး) ကျေးရွာမှာ K.I.A တပ်ရင်း (၁၈) နှင့် ကချင်ပြည်သူ့စစ် တို့ပေါင်းပြီး စစ်တပ်တို့အကြား တိုက်ပွဲပြင်းထန်စွာ ဖြစ်ပွားခဲ့ရာ နေ့လည် (၂) နာရီက စတင်ခဲ့ပြီး အချိန်နာရီပေါင်း (၅) နာရီလောက် တိုက်ပွဲဖြစ်ပွားခဲ့ကြောင်း သိရှိရပါတယ်။ ကျေးရွာရှိ မျက်မြင် ရွာသားများရဲ့ သတင်းပေးပို့ချက်အရ အဲဒီတိုက်ပွဲမှာ စစ်တပ်ဘက်မှ စစ်သား (၂) ဦးကိုအရှင် ဖမ်းမိခဲ့ကြောင်းဆက်လက် သိရှိရပါတယ်။

အပြည့်အစုံသို့

ပြန်သိမ်းထားခဲ့ပေးပါဦးဗျာ

K.I.A နှင့် စစ်တပ်တို့ တိုက်ပွဲများ ဆက်လက်ဖြစ်ပွားလျက်ရှိ

ရှေ့တန်းတနေရာမှ K.I.A စစ်သည်များ

K.I.A တပ်မဟာ (၅) လက်အောက်ခံ တပ်ရင်း (၃) နယ်မြေဖြစ်တဲ့ ကချင်ပြည်နယ် ဝိုင်းမော်မြို့နယ် ဝါရှောင်ကျေးရွာ အနီးတွင် K.I.A တပ်မဟာ (၅) လက်အောက်ခံ တပ်ရင်း (၃) နှင့် စစ်တပ်တို့အကြား စက်တင်ဘာလ (၉) ရက် ၂၀၁၁ မနက်အာရုဏ်တက် ၅း ၀၀ နာရီ မှ ၆း ၀၀ နာရီ အထိ တိုက်ပွဲဖြစ်ပွားခဲ့ ကြောင်း၊ ယင်းတိုက်ပွဲတွင် စစ်တပ်ဘက်မှ (၃) ဦး ဒဏ်ရာရရှိကြောင်း ၊၎င်းကျေးရွာနှင့် နီးစပ်သူ ကသတင်းပေးပို့လာပါတယ်။

အလားတူ K.I.A တပ်မဟာ (၅) လက်အောက်ခံ တပ်ရင်း (၁၈) နှင့် စစ်တပ် တို့ အကြား စက်တင်ဘာလ (၉) ရက် ၂၀၁၁ ညနေပိုင်း ၆း ၀၀ ဝန်းကျင်တွင် ကချင်ပြည်နယ် နမ်ဆန်ယာန် ကျေးရွာအနီးရှိ ခါလာ ( Hkala )၊ ဒွမ်ဘန်တောင် ( Dumbang ) တွင် တိုက်ပွဲဖြစ်ပွားခဲ့သေးကြောင်း သိရှိရပါတယ်။ အဲ့ဒီဧရိယာအတွင်းမှာပင် K.I.A တပ်မဟာ (၅) အဖွဲ့နှင့် စစ်တပ်ဘက်မှ အမှတ် (၁၄၁) ခြေမြန်တပ်ရင်း တို့အကြား ရှဒန်ပါ (Shadan Pa )၊ ခအူ ( Hka-u )နှင့် ဂျာအိန်ယာန် (Ja-ing Yang) အကြားရှိ နမ်ဖါ (Nam Hpa) ကျေးရွာအနီးတွင် ညနေပိုင်း ၅း ၃၀ နာရီ မှ ၇း ၁၅ နာရီ အထိ တိုက်ပွဲပြင်းထန်နေ ကြောင်းသိရှိရပါတယ်။ အဲ့ဒီတိုက်ပွဲတွေရဲ့ နှစ်ဖက်စလုံးမှထိခိုက်ဒဏ်ရာရ ကျဆုံးမှု အခြေအနေကို ဆက်လက်စုံစမ်းဆဲဖြစ်ပါတယ်။

တဆက်တည်းမှာပင် K.I.A တပ်ရင်း (၁၇) (၂) နှင့် စစ်တပ်ဘက်မှ အမှတ် (၁၄၁)ခြေမြန်တပ်ရင်း တို့ အကြား K.I.A တပ်မဟာ (၄) နယ်မြေဖြစ်တဲ့ မုန်ယာ (Mung Ya) ကျေးရွာအရှေ့ဘက် လွယ်ဂျော် တောင် ( Loi Jaw ) တွင် စက်တင်ဘာလ (၉) ရက် ၂၀၁၁ မနက်ပိုင်း ၉း ၀၀ ဝန်းကျင်းမှာ တကြိမ် ၊ နေ့လည်ပိုင်း ၁း ၀၀ နာရီ မှာ တစ်ကြိမ်၊ ညနေပိုင် ၃း ၀၀ ကနေ ၅း ၀၀ နာရီ အထိ တစ်ကြိမ် ဆက်တိုက် သုံးကြိမ် တိုက်ပွဲဖြစ်ပွားခဲ့ကြောင်း၊ ယင်းတိုက်ပွဲတွင် K.I.A ဘက်မှ စစ်သား (၁) ထိခိုက် ဒဏ်ရာရရှိကြောင်း နှင့် စစ်တပ်ဘက်မှ သေကျေမှုနှင့် ထိခိုက်ဒဏ်ရာရမှုကို မသိရသေးကြောင်း တိုက်ပွဲနှင့် နီးစပ်သူများမှ သတင်းရရှိပါတယ်။

အပြည့်အစုံသို့

ပြန်သိမ်းထားခဲ့ပေးပါဦးဗျာ