စည်းလုံးခြင်းရဲ့ အင်အား: အကြို ဖက်ဆစ် တော်လှန်ရေးနေ့အတွက် ဂုဏ်ပြု အထူးအစီအစဉ်

သပြေတခက် ကြွေရက်ကယ်စော- အခန်း (၁၂) ဇာတ်သိမ်းပိုင်း

ဆောင်းပါးရှင် - မောင်စည်သာ (တပ်မတော် အရာရှိဟောင်း တစ်ဦး)

ဗိုလ်ကြီးမြင့်ထူးကဲ့သို့ ဒီမိုကရေစီရေး၊ လူမှုလွတ်လပ်ခွင့်၊ အမျိုးသားရေး တို့အတွက် တိုက်ပွဲဝင်ရင်း စစ်ထောက်လှမ်းရေးတို့၏ ငရဲခန်းများတွင် ရေတိမ်နစ်ခဲ့ရသော ရဟန်းရှင်လူ ကျောင်း သားကျောင်းသူ အလုပ်သမား လယ်သမား လူမျိုးစုများ၏ အရေအတွက်ကလည်း မြန်မာပြည်တွင် ဒုနှင့်ဒေး ရှိနေပါသည်။ ဤအဖြစ်ဆိုး စနစ်ဆိုးတို့အား ကြုံတွေ့  သိရှိ ခံစားတွေ့ထိခဲ့ရသောပုဂ္ဂိုလ်တိုင်း အနေနှင့် အခွင့်အလမ်းရ လျင် ရသလို တနည်းမဟုတ်တနည်းဖြင့် အဖြစ်အပျက် အနိဌာရုံများကို ပြည်သူသို့ တင်ပြ ဖြန့်ဖြူးပေးရန် တာဝန် ရှိနေသည်ကို သဘောပေါက်ဖို့ လိုပါ သည်။ မျက်မှန်တင်ဦးကြီးတို့ ၏ ခေတ်ကအသုံးပြုခဲ့သော ရက်စက်ယုတ်မာ လူမဆန်အောင်ညှင်းပန်း နှိပ်စက် နည်းမျိုးစုံရှိသလို၊ ဗိုလ်ခင်ညွန့် ၏ MI ခေတ်၊ ယခုဗိုလ်မြင့်ဆွေတို့၏MI ခေတ်တို့တွင် ၄င်း ရက်စက်မှုမျိုး စုံသည် သူ့နည်းသူ့ဟန်နဲ့ ရှိနေမည် ဖြစ်ပါသည်။ တာဝန်ရှိ မှတ်တမ်းတင်သူများ ရှိနေသရွေ့  မည်သည့်ခေတ် က ရက်စက်မှုအပေါင်းတွင် သရဖူဆောင်းမည် ဆိုတာကိုတော့ စာရှုသူ ပြည်သူများ ကပင် ဆုံးဖြတ်ကြရမည် ဖြစ်ပါသည်။

တတိယအချက်မှာ စစ်ထောက်လှမ်းရေးတို့ ဤမျှလောက်တန်ခိုး အာဏာ အရှိန်အ၀ါကြီးရခြင်းမှာလည်း စစ် အာဏာရှင်စနစ်ကြောင့်ပင် ဖြစ်ပါသည်။

ဒီမိုကရေစီစနစ် ကျင့်သုံးသည့် နိုင်ငံတနိုင်ငံတွင် စစ်တပ်၏ အစိပ်အပိုင်းတခုသာ ဖြစ်သည့် စစ်ထောက်လှမ်းရေး တို့၏ အဓိကတာဝန်မှာ စစ်မြေပြင်၌ တကယ်ယှဉ်ပြိုင်တိုက်ခိုက်ရမည့် တဖက် ရန်သူ၏ နည်းပရိယာယ်၊ လူသူ လက်နက်၊ ရိက္ခာ၊ ဆက်သွယ်ရေး လမ်းကြောင်း စသည့် စစ်နှင့်ပတ်သက်သည့် သတင်းများကိုသာ ထောက်လှမ်း စုဆောင်းကြရပါသည်။ တိုင်းပြည်၏ နိုင်ငံရေး၊ စီးပွားရေး၊ ပညာရေး၊ ကျန်းမာရေး တို့တွင်စစ် ထောက်လှမ်းရေးတို့ လုံးဝ မပါဝင် မစွက်ဖက်ရပါ။ သို့သော် ကျနော်တို့ နိုင်ငံတွင်ကား စစ်အာဏာရှင် စနစ်ဆိုး ကြီး သက်ဆိုးရှည်ဖို့ အတွက် စစ်ဗိုလ်ချုပ်ကြီးတို့သည် စစ်ထောက်လှမ်းရေးတို့ကို အဓိကဒေါက်တိုင် အဖြစ် ဆက်လက် သုံးစွဲနေဦးမည်သာ ဖြစ်ပါသည်။

စတုတ္တအချက်မှာ ကျနော်တို့ ပြည်သူတရပ်လုံး စွဲစွဲမြဲမြဲယုံကြည်ထားရမည့် အချက်ပင်ဖြစ်ပါသည်။ ထိုအချက်မှာ စစ်အာဏာရှင်တို့၏ လက်ကိုင်ဒုတ် ထောက်လှမ်းရေး အကြီးအကဲနှင့် ထောက်လှမ်းရေးတို့သည် နောက်ဆုံးတွင် မည်သူမှ ဇာတ်သိမ်းမကောင်းခြင်းပင် ဖြစ်ပါသည်။

စစ်ထောက်လှမ်းရေးကို အသက်သွင်းပြီး လက်ကိုင်ဒုတ်အဖြစ် အသုံးပြုခဲ့သူ ဦးနေ၀င်းကိုယ်တိုင် သိမ်ငယ်စွာနှင့် ဇာတ်သိမ်းသွားခဲ့ပါပြီ။ ထို့အတူ လက်ရှိထောက်လှမ်းရေးချုပ် ဗိုလ်မြင့်ဆွေသည်လည်း ဇာတ်သိမ်းကောင်း မည်မဟုတ်ပါ။ စစ်ထောက်လှမ်းရေးတို့ သွားရာလမ်းက မြန်မာ့သမိုင်းတွင် လယ်ပြင်၌ ဆင်သွားသကဲ့သို့ ထင်ရှား နေပါပြီ။

ပဉ္စမအချက် တင်ပြလိုသည်မှာ ပြည်သူတိုင်းက လိုလားတောင့်တနေသော လူမှုလွတ်လပ်မှု အခွင့်အရေး များ ကို အာမခံသည့် ဒီမိုကရေစီစနစ် ပြန်လည်ရှင်သန်ထွန်းကားလာမှသာ တိုင်းပြည်၏အနိဌာရုံ စစ်အာဏာရှင် စနစ် ကျဆုံးမည်သာ ဖြစ်ပါသည်။ သို့အတွက် ပြည်သူအပေါင်းအနေနှင့် ဒီမိုကရေစီအင်အားစုများနှင့် အတူ အုတ်တချပ် သဲ တပွင့်ဖြစ်စေ မိမိတို့ ကျရာအခန်းကဏ္ဍမှ ပါဝင်လှုပ်ရှားပြီး ဒီမိုကရေစီ ဗိမာန်ကြီးကို ခိုင်ခိုင်ခံ့ခံ့ တည်ဆောက်ကြဖို့  အဓိဌာန်ပြုကြပါစို့ လို့ လေးစားစွာမေတ္တာရပ်ခံလိုပါသည်။

နောက်ဆုံးတင်ပြလိုသည့်အချက်မှာ ကျနော်၏ ခံစားချက်ပင်ဖြစ်ပါသည်။

“သပြေတခက် ကြွေရက်ကယ်စောတဲ့ သူငယ်ချင်း ဗိုလ်မြင့်ထူးရေ- သူငယ်ချင်းမှာတဲ့အတိုင်း ဒီမိုကရေစီရတဲ့ အချိန်မှာ ဒို့ တတွေ ပြည်သူတွေနဲ့ အတူ သပြေခက်နဲ့ ရေစင်ခွက်ကို ကိုင်စွဲပြီး သူငယ်ချင်းနဲ့ အတူ ကြွေလွင့် သွား ကြတဲ့ ဒီမိုကရေစီသူရဲကောင်း အာဇာနည်အပေါင်းကို အမျှပေးဝေပါမယ်လို့ ”

ကိုယ်စိတ်နှစ်ဖြာ ကျန်းမာချမ်းသာကြပါစေလို့ ။

မောင်စည်သာ

ဝဋ်ဆိုတာ နောက်ဘ၀ မကူးပါ

ဘ၀ ဇာတ်သိမ်းမလှတဲ့ ထောက်လှမ်းရေး အာဏာရှင် မျက်မှန်ကြီး အကြောင်း

“သပြေတခက် ကြွေရက်ကယ်စော” ဖြစ်ရပ်မှန် ကိုယ်တွေ့ဇာတ်လမ်း အဆုံးသတ် တင်ပြပြီးသည့်နောက် ကျွန်တော် ကိုဖိုးတရုတ်ထံသို့ စစ်အာဏာရှင်စနစ်၏ လက်ကိုင်တုတ် စစ်ထောက်လှမ်းရေး ထိပ်သီး ရက်စက်မှု အရာတွင် ကမ်းကုန်ခဲ့သူ မျက်မှန်ကြီး တင်ဦးနဲ့ ပတ်သက်ပြီး စာဖတ်ပရိသတ် တစ်ဦးမှ ပေးပို့လာချက်အား ဆက်လက် တင်ပြပေးလိုက်ပါတယ်။ ဒီအီးမေးလ်ကို ဖတ်ကြည့်ရင် မျက်မှန်တင်ဦးကြီးဟာ အကုသိုလ် ပြုလုပ် ခဲ့တဲ့ အတွက် ချက်ချင်း လက်ငင်း ကြောက်စရာကောင်းလောက်အောင် သူပါမက မိသားစု အတွင်းပါ ဆက် တိုက် ၀ဋ်လိုက် ခဲ့ပါပြီဆိုတာ သံဝေဂ ရစရာ သိရှိခဲ့ရပါတယ်။

ကျွန်တော့် မိဘတွေဟာ မုဒုံက ဖြစ်ပါတယ်။ ကျွန်တော့် အဖေက မျက်မှန်ကြီးတင်ဦးနဲ့ ကျောင်းနေဘက် သူငယ်ချင်း ဖြစ်ခဲ့ပြီး အမေက သူတို့နဲ့ ဆွေမျိုးတော်စပ်သူ ဖြစ်ပါတယ်။ မျက်မှန်ကြီးတင်ဦးက ရိုက်နှက် နှိပ်စက်လိုက်လို့ ခရစ်ယာန် ဘုန်းတော်ကြီးတစ်ဦးရဲ့  မျက်လုံးတွေ ထွက်ကျပျက်စီးသွားတာနဲ့ ပတ်သက်ပြီး ကိုဖိုးတရုတ် သိပါသလား။ မျက်မှန်ကြီး တင်ဦးရဲ့  သမီးအငယ်ဆုံး မွေးဖွားတဲ့အခါမှာ သူ့သမီးမှာ မျက်လုံး မပါလာဘူး။ ဒါ့အပြင် သူ့အိမ်မှာ ရှိနေတဲ့ တခြား အိမ်မွေး တိရစ္ဆာန်တချို့မှာလည်း မျက်လုံးတွေ မရှိကြပါဘူး။ ဒါဟာ ကံကြမ္မာ ၀ဋ်လည်တယ်လို့ ထင်မြင် သုံးသပ်မိပါတယ်။

မြန်မာပြည်မှာ ဒီမိုကရေစီ ပေါ်ထွန်းအောင်မြင်ပါစေ။

စာဖတ်ပရိသတ်တစ်ဦး

အမျိုးသားရေး ၊ ဒီမိုကရေစီ အရေးအတွက်ကြိုးပမ်းခဲ့သူတွေကို အပြစ်ပေးသလို ထောက်လှမ်းရေး ဂိုဏ်းချုပ်ကြီး မျက်မှန် တင်ဦးလည်း ထောင်နန်းစံ နေရပါပြီ။ အင်းစိန်ထောင်ထဲပင် တဖက်သတ် တရားစီရင်ခံရကာ သူ့အား မဆလ ၀န်ကြီးချုပ်နဲ့ ၀န်ကြီးများက အပြစ် ပိုကြီးသထက် ကြီးအောင် သာသာ ထိုးထိုး တရားလိုဘက်က ထွက်ဆို ချက် ပေးပုံကြောင့် မျက်မှန်ကြီး တင်ဦးရဲ့  တောက်ခေါက်သံကို ကြားရလို့ အင်းစိန်ထောင်ထဲက နိုင်ငံရေးအကျဉ်း သားများက သံဝေဂ တရား ရခဲ့တယ်လို့ သိရပါတယ်။

မှန်ပါတယ်...တကယ်တော့ ၀ဋ်ဆိုတာ နောက်ဘ၀ မကူးဘူးလို့ လက်တွေ့သိဖို့ ကောင်းသလို တိုင်းပြည်ကောင်း ကျိုးအတွက် စိတ်ကောင်း စေတနာထားပြီး ပြပြင်ပြောင်းလဲဖို့ ယနေ့ စစ်အာဏာရှင်တွေကို တိုက်တွန်းပြောကြား လိုပါ တယ်။ အမှားသိရင် အမှန်ရှိလို့ ပြည်သူလူထုဘက် ရပ်တည်ကြဖို့ ယနေ့ တပ်မတော်သား အားလုံးကိုလည်း လက်ကမ်းကြိုဆိုရင်း ပြောကြားလိုက်ပါတယ်။ စစ်အာဏာရှင် စနစ် ကျဆုံးပါစေ။