.

.

.

January 26, 2009

ပြည်သူလူထုနှင့် တပ်မတော်သား အားလုံးအတွက် အလွန်လိုအပ်နေတဲ့ ဒီမိုကရေစီ - အပိုင်း(၆)

ဒီမိုကရေစီနဲ့ တပ်မတော် - အပိုင်း(၆)

ဆောင်းပါးရှင် - ဗိုလ်မှူးကျော်ကျော်ခိုင်

တပ်မတော်သားများ အပါအ၀င် ပြည်သူပြည်သားတို့ ထိုသို့ နိုင်ငံရေး အမြင်ကျယ်ကျယ်နှင့် ကြည့်ရှုသုံးသပ် တတ်ကြောင်း နအဖ စစ်အာဏာရှင်ကြီးများ သိသွားလျှင်ပင် စာနယ်ဇင်း မှန်သမျှ ပိတ်ပင်ခံရမည်မှာ မလွဲပေ။ ထုတ်ပင် ထုတ်ဝေရဲတော့မည် မဟုတ်ပါ။

သို့သော် တစ်ခုတော့ သတိပြုရပေမည်။ စစ်အာဏာရှင်တို့၏ Psy-War ပညာဖြင့် ၀ါဒဖြန့် ဆောင်းပါးများအား ၀ါဒဖြန့်ချင် မှိုင်းတိုက်ချင်လွန်း၍ ဓမ္မစာစောင်၊ အားကစား ဂျာနယ်များ၌ပင် ထည့်သွင်းနေခြင်းကိုက မူမမှန်၍ ဖြစ်ကြောင်း သိအပ်သည်။ ဒီမိုကရေစီနိုင်ငံများ၏ သတင်းဆိုလျှင် စစ်အာဏာရှင် စနစ်နှင့် ဆန့်ကျင်ဘက် ဖြစ်၍ ဖေါ်ပြရမှာ သေမတတ် ကြောက်သည်။ အမေရိကန်ဆိုလျှင် အနိဋ္ဌာန်ရုံများကိုသာ ရွေးထုတ် ဖော်ပြကြသည်။ ကောင်းကြောင်းများကို မပြောရဲ၊ အမေရိကန်တွင် တစ်နေ့ ဘာပြစ်မှု ဘယ်နှစ်မှု ရှိသည်။ တစ်နှစ်ဘယ်မျှ ရှိသည်ကိုတော့ သူတို့ ပြောမည်။ သို့သော် ထိုအမေရိကန်ပြည်၏ အကျယ်အ၀န်း၊ ပြည်နယ်များ၊ လူဦးရေ တို့ကို အချိုးအဆ ထည့်မပြော၊ မသိချင်ယောင်ဆောင်ခြင်းမျိုးလည်း ဖြစ်မည်။ ဥပမာ တင်ပြပါမည် အမေရိကန်၏ Government Type မှာ Constitution သည် based federal republic ; strong democratic tradition ဖြစ်သည်။ အကျယ်အ၀န်းမှာ ပြည်နယ် (၅၀) နှင့် ဒေသကြီး တစ်ခု အပါအ၀င် 9,826 , 630 sq.km (includes only the 50 States and District Columbia) ရှိ၏။ လူဦးရေ - 303, 824, 640 (2007 est) ရှိ၏။ အချို့ ပြည်နယ်သည် မြန်မာပြည်တစ်ခုလုံးထက် ကြီးပြီး၊ ထိုဒေသမှ ထွက်သော ဆန်စပါးသည် မြန်မာလူထုအားလုံးကို ကောင်းစွာ ကျွေးမွေးထားနိုင်သည် ဆိုသည်ကိုမူ တင်ပြကြသည် မဟုတ်။ နိုင်ငံနှင့် လူဦးရေ အချိုးအဆအရ ရှိနိုင်သည့် ပြစ်မှု အခြေအနေကို သိစေအပ်သည်။ ပြည်နယ် (၅၀) ကျော် ဖြင့် ဖွဲ့စည်းထားသည့် အမေရိကန် အနေဖြင့် ထိုပြည်နယ်၊ လူထု အချိုးအဆနှင့် ထိုပြစ်မှု (တနိုင်ငံလုံး) လောက်တော့ ရှိပေလိမ့်မည်။ ၄င်းနိုင်ငံကြီးများ၏ မဖွယ်မရာ မဂ္ဂဇင်း၊ စာစောင်၊ ရုပ်ရှင်များကိုတော့ ဒီမိုကရေစီ ရလျှင် ဒီလိုဖြစ်သွားမည်ဟု ခြိမ်းခြောက်ပြကြသည်။ ဤ ကိစ္စသည် ဒီမိုကရေစီ ကျင့်စဉ်နှင့် မဆိုင်။ ၄င်းတို့၏ မူလဗီဇ ယဉ်ကျေးမှု ပုံစံနှင့်သာ ဆိုင်သည်။ လူအများ၏ လက်ခံကျင့်သုံးမှုနှင့်သာ ဆိုင်သည်။

၎င်းအပြင် ဒီမိုကရေစီသည် အာရှ လူနေမှု စရိုက်၊ ဓလေ့ထုံးစံ၊ ယဉ်ကျေးမှုများနှင့် အံဝင်ဂွင်ကျ မရှိဟုဆိုကာ သိမ်းသွင်းပြန်သည်။ ဒီမိုကရေစီသည် အနောက်နိုင်ငံထုတ် အာရှ နှင့် မသင့်သည့် တင်သွင်းကုန် တစ်ခု မဟုတ်၊ ပြည်သူလူထု အုပ်ချုပ်ရေး နည်းစနစ်စစ်စစ် ဖြစ်သည်။ ပြည်သူလူထုနှင့် ပတ်သက်သော ကိစ္စ အ၀၀ကို ပြည်သူလူထုက စီမံအုပ်ချုပ် လုပ်ကိုင်သော စနစ်ဖြစ်၍ မိမိတို့ လိုချင်သလို ပြုပြင်ပြောင်းလဲ ကျင့်သုံးနိုင်သည်။ အာဏာရှင် မရှိ၍ ကန့်သတ်ချုပ်ချယ်မှုများ မရှိ။ နအဖ အော်နေသလို “စည်းကမ်းရှိ၍ စနစ်ကျသော” ဒီမိုကရေစီ ဟု အော်နေစရာ မလိုချေ။ ထိုသို့အော်ခြင်းမှာ ဒီမိုကရေစီ အသံကောင်းဟစ်ကာ တရားဝင် အာဏာရှင် လုပ်နိုင်ရေးသာ ဖြစ်သည်။ ဒီမိုကရေစီ ကျင့်စဉ်သည် စည်းကမ်းရှိပြီး ဖြစ်သည်။ etiquette ခေါ် လောက၀တ် ရှိပြီး ဖြစ်သည်။ ပြည်သူလူထု ကိုယ်တိုင် သဘောတူ လက်ခံ ပြီးမှ စီမံခန့်ခွဲထား၍ စနစ်ကျနပြီး ဖြစ်၏။ ဥပဒေကို လူအများ နားလည် သဘောပေါက်ကာ လေးလေးစားစား လိုက်နာ ဆောင်ရွက်ကြပြီးသား ဖြစ်သည်။ ဥပဒေ စိုးမိုးမှုရှိသလို လူအများ လူပီသစွာ လွတ်လွပ်လပ်လပ် အကြောက်တရား မရှိ လှုပ်ရှား၊ လုပ်ကိုင်နေထိုင် သွားလာ နိုင်ကြသည်။ နအဖလို အထူးအော်နေရန် မလို။

ကမ္ဘာတွင် အယဉ်ကျေးဆုံး တိုင်းပြည်ဟု ကြွေးကြော်နေသော ရဟန်းသံဃာသတ် နအဖကဲ့သို့ ပါးစပ်က ဘုရားဘုရား၊ လက်က ကားယားကားယား မဟုတ်။ ဒီမိုကရေစီနိုင်ငံများတွင် ကလေးများပင် စည်းကမ်းရှိ၏။ လူကျင့်ဝတ် (Etiquette) ကို နားလည်၏။ ထို့ကြောင့် ကမ္ဘာပေါ်တွင် ၄င်းတို့ ကိုယ်ကို နိုင်ငံကြီးသားဟု မော်ကြွားနိုင်ကြ၏။

ပရိတ်ရွတ်လျှင် ရေဆူသော ချင်းတောင်တန်း သာသနာပြု ဆရာတော် “ဦးဥတ္တမသာရ” ၏ ကံနှင့် ကံ၏အကျိုး (သို့) ရေဆူ ပရိတ်တော် တရားခွေ/ စာအုပ်တို ဖတ်ရှု နားထောင်လိုက်ပါ။ ဆွစ်ဇာလန်နိုင်ငံ၏ စည်းကမ်းရှိမှု၊ ကလေးကအစ လူ့ကျင့်ဝတ် သိမှုများကို အနည်းအကျဉ်း မြည်းစမ်းကြည့်နိုင်သည်။ ပန်းခြံအတွင်း ကလေးများပင် ပန်းမခူးကြ။ တနင်္ဂနွေ လူအများ၏ အားလပ်ရက်တွင် အိမ်အပြင်အဝတ်လှမ်းခြင်း၊အဝတ်ခါသံ ဆူညံသံ များမပြုကြ စသည်ဖြင့် အတုယူစရာ များစွာရိုသည်။ အာဏာရှင်ကြီး၊ အာဏာရှင်လေးများ ချယ်လှယ်ခံနေရသော ကျွန်တော်တို့ မြန်မာပြည်ကြီးတွင်မူ ဘာသာတရား၏ ကောင်းမွန်သော အဆုံးအမများ အောက်တွင် ရှိပါလျှက် လောကနီတိများ၊ ဘိုးသူတော် ဦးနု ဆုံးမစာများ၊ ယဉ်ကျေးမှုများ ရှိပါလျှက် ခေတ်စနစ်ဆိုး၏ ဒါဏ်ချက်ကြောင့် ပါးစပ်မှသာ ကမ္ဘာမှာ အယဉ်ကျေးဆုံး ဆိုနိုင်ကြတော့၏။ လက်တွေ့နှင့် နှိုင်းယှဉ်ကြည့်ကြပါကုန်။

ကမ္ဘာ့ ဒီမိုကရေစီ နိုင်ငံများသို့ ထွက်ခွာလာသည်နှင့် ကျွန်တော်တို့ လူမျိုးများ အရင် တွေ့ကြုံရသည်မှာ ဒီမိုကရေစီနှင့် မထိတွေ့ဘူး၍ ပြုပြင်ယူရသော အကျင့်ဆိုးများ ဖြစ်၏။ Etiquette နည်းပါးခြင်း၊ ဥပဒေ မသိခြင်း၊ စည်းကမ်းကို လစ်သလို ဖောက်တတ်ခြင်း၊ ကတိမတည်ခြင်း၊ အချိန်မလေးစားခြင်း၊ Free ရိုက် အီးလေးဆွဲခြင်း များကို မနည်းဖျောက်ကြရသည်။ တလွဲဆံပင် ကောင်းခြင်း၊ လေကြီးလေကျယ် ပြောခြင်း၊ ဗိုလ်ချုပ် အောင်ဆန်း မိန့်ကြားသလို ဗမာ, ဗမာချင်းဆို ချချင်ကြတယ်ဆိုတဲ့ အတိုင်း ဇာမဏီကျင့် ကျင့်ကြခြင်း၊ (လူသတ်မှုများပင် ဖြစ်ကြခြင်း)၊ ကိုယ်သိ ကိုယ်တတ် ကိုယ်ဆရာကြီးများပင် လုပ်လိုခြင်း၊ ဘ၀င်မြင့်ခြင်းနှင့် ၀ိုင်းဝန်းပူးပေါင်း လုပ်ဆောင်တတ်မှု နည်းပါးခြင်း၊ တစ်ဦးကျော တစ်ဦး ဓားနှင့် ထိုး အကျင့်ဆိုးများ ရှိခြင်း၊ ငွေကိုသာ မြင်ပြီး တစ်ဦးနှင့် တစ်ဦး စောင်းမြောင်း မြင်ခြင်း၊ လေးစားမှု မပေးနိုင်ခြင်းနှင့် အတင်းအဖျင်း တုတ်ခြင်း စသော သူများ နိုင်ငံတွင် မတွေ့ရသည့် စရိုက်အကျင့်များကို ပြင်ကြရသေးသည်။

ထိုအကျင့်ဆိုးများမှာ တပ်မတော်ထဲက စစ်အာဏာရှင်ကြီးလည်း ပိုင်ဆိုင်ပါသည်။ လွတ်လပ်စွာ ပြောဆိုရေးသားခွင့်၊ ဝေဖန်ပိုင်ခွင့်၊ ဖွဲ့စည်းနိုင်ခွင့်စသော လူနေမှု ဘ၀ ၀န်းကျင်များကို ဒီမိုကရေစီ စနစ်ဖြင့် ပြန်လည်ရယူပြီးမှသာ ဒီမိုကရေစီ အလေ့အကျင့်ကို ငယ်စဉ်ကလေးဘ၀မှ စပြုပြင် ပြောင်းလဲယူပြီး မှသာလျှင် စရိုက် အကျင့်များ ပျောက်ပြီး နိုင်ငံကြီးသား ပီသသော လူမျိုးအဖြစ် ပြန်လည် ရောက်ရှိနိုင် ပေတော့မည်။ နောင်မျိုးဆက်များတွင် မူလတန်းမှစ၍ ဒီမိုကရေစီ အလေ့အကျင့်၊ လူ့အခွင့်အရေး၊ ဥပဒေ၊ လောက၀တ်များကို အဆင့်ဆင့် အထက်တန်းကျောင်းထိတိုင် ပို့ချ ဆွေးနွေးသင့်ပေသည်။

နိုင်ငံသားတိုင်း လူ့စွမ်းအား အရင်းအမြစ်များ ဖြစ်၍ စက်မှုလက်မှုနှင့် စိုက်ပျိုးရေး ပညာရပ်များကိုလည်း သင်ကြားလေ့ကျင့် ပေးထားသင့်၏။ အထက်တန်းနှင့် ကျောင်းထွက်သည့်တိုင် စက်မှု အထက်တန်း ကျောင်းအဆင့်၊ စိုက်ပျိုးရေး အထက်တန်းကျောင်း အဆင့်၊ စက်မှုလက်မှု/စိုက်ပျိုးရေး အတတ်ပညာ၊ Etiquette လူ့အခွင့်အရေးနှင့် ဥပဒေအသိများ ရှိနေလျှင် အဆင့်အတန်း အသိပညာ မြင့်မားသည့် နိုင်ငံအဖြစ် ရောက်ရှိစေနိုင်ပြီး ကမ္ဘာတခွင် ဘယ်သွားသွား နိုင်ငံကြီးသားအဖြစ် တင့်တယ် ဂုဏ်ယူနိုင်မည် ဖြစ်ပေသည်။


စစ်အာဏာရှင်တွေရဲ့  မှိုင်းတိုက်ထားမှုကြောင့် တပ်မတော်သားတချို့ ပြည်သူအပေါ် အနိုင်ကျင့်နေကြပုံ (Source from Moemaka)

ဤသို့ ဖြစ်လာရန်မှာ အာဏာရှင်စနစ်ကို ဖျက်သိမ်းပြီး ဒီမိုကရေစီ နိုင်ငံရောက်လာမှ ဖြစ်နိုင်လိမ့်မည်။ အချုပ်အားဖြင့် ဆိုသော ဒီမိုကရေစီဟု ခေါ်ဆိုသော ပြည်သူလူထု အကျိုးအတွက် ပြည်သူလူထု ကိုယ်တိုင်က ပြည်သူ့အာဏာကို အပြည့်အ၀ အသုံးပြု၍ ဆောင်ရွက်သော ကျင့်စဉ်၊ ပြည်သူ့အာဏာ ပြည်သူ၌တည် သောကျင့်စဉ်သည် ယနေ့ကမ္ဘာတွင် လက်ခံထွန်းကားနေခြင်းသည် အသိဥာဏ်ကင်းမဲ့သောကြောင့် မဟုတ်။ ဒီမိုကရေစီ ကျင့်စဉ် စတင်လာသူများသည် စစ်အာဏာရှင် ဗိုလ်သန်းရွှေလို ဦးနှောက် မရှိသူများ မဟုတ်။ ပြည်သူလူထု အကျိုးကို အမှန်တကယ် ဆောင်ရွက်နိုင်ပြီး၊ ပြည်သူလူထုက အာဏာပိုင်သောကြောင့်သာ ကမ္ဘာတွင်ခေတ်စားခြင်း ဖြစ်သည်။ ယခု မြန်မာနိုင်ငံတွင်လည်း ဒီမိုကရေစီ ကျင့်စဉ်အလွန် လိုအပ်နေသည်။ ပြည်သူလူထု အတွက်သာမက တပ်မတော် အတွက်လည်း လိုအပ်သည်။ ဒီမိုကရေစီ အကြောင်းကိုလည်း လေ့လာအပ်သည်။ သိရှိမှ လိုချင်မည်။ လိုချင်မှ ရယူချင်စိတ် ရှိမည်။ ရယူချင်မှ ရအောင် လုပ်ယူကြပေ လိ့မ်မည်။

ဒီမိုကရေစီရေး ကြိုးပမ်းနေသော မိဘပြည်သူများကို တပ်မတော်သည် ကာကွယ်စောင့်ရှောက်ကြရမည်။ မနှိမ်နင်းသင့်ပေ။ ထိုသူများကို နှိမ်နင်းခြင်းသည် မိမိကိုယ်ကို အာဏာရှင် စနစ်ဆိုး အောက်၌ ဆိုးကျိုး ဆက်လက်ခံစားနေရန် ပြုနေခြင်း ဖြစ်သည်ကို သတိပြုသင့်ပါသည်။ ကိုယ့်လည်ပင်းကိုယ် ကြိုးကွင်း စွပ်ခြင်းနှင့် တူပါသည်။ မိမိကိုယ်တိုင်လည်း ဒီမိုကရေစီရေး ကြိုးပမ်းမှုကို အားပေးသင့်သလို အဟန့်အတား ဖြစ်နေသော စစ်အာဏာရှင်ဆိုး တစ်စုကိုလည်း ဖယ်ရှားပစ်နိုင်ရေး စည်းစည်းလုံးလုံးနှင့် ကြိုးပမ်းသင့်သည်။ ဒီမိုကရေစီ ရရှိခြင်းကြောင့် ဒို့တာဝန်အရေးသုံးပါး မထိခိုက်နိုင်။ ပြည်ထောင်စု မပြိုကွဲနိုင်၊ တိုင်းရင်းသား စည်းလုံးညီညွတ်မှု မပြိုကွဲနိုင်၊ အချုပ်အခြာအာဏာ တည်တံ့ခိုင်မြဲမှု မထိခိုက်နိုင်။ စစ်အာဏာရှင်များ ၀ါဒဖြန့်ချက်သည် ခုတ်ရာတလွဲ၊ ရှရာ တခြားသာ ဖြစ်ပါသည်။

ထို့ကြောင့် ဒီမိုကရေစီ နိုင်ငံတော်ကြီး စစ်အာဏာရှင်အောက်၌ မရှိဘဲ လွတ်လွတ်လပ်လပ် နှင့် ပေါ်ထွန်းလာရေး အတွက် တပ်မတော်သားများ တတပ်တအား ကြိုးပမ်း ပါဝင်သင့်ကြောင်း တင်ပြရင်း နိဂုံးချုပ်လိုက်ရပါသည်။

(မှတ်ချက်။ ။ နောင် အလျဉ်းသင့်ပါက ဒီမိုကရေစီ ပညာပေး မှတ်စုများကို တပ်မတော်အတွင်း စစ်သည် အဆင့်ထိ နားလည်သဘောပေါက်အောင် ရေးသားတင်ပြသွားပါမည်။)

No comments: