ဗိုလ်ချုပ်ကြီးမင်းအောင်လှိုင်ရဲ့ အာဏာနီတည်ဆောက်မှု

မင်းအောင်လှိုင်ရဲ့ ပစ်မှတ်ဖြစ်သွားသော ရကတ တိုင်းမှူးဟောင်း ဗိုလ်မှူးချုပ်ထွန်းသန်း

တပ်မတော်အတွင်း ထိပ်ပိုင်းဗိုလ်ချုပ်များအကြား တင်းမာမှုများနဲ့ သဘောထားကွဲလွဲမှုများရှိကြောင်း စစ်ရုံးနဲ့ နီးစပ်သော အသိုင်းအဝိုင်းများက စည်းလုံးခြင်းရဲ့အင်အား ဝက်ဘ်ဆိုဒ်သို့ မကြာသေးခင် ကလေးကပင် သတင်းပေးပို့လာပါတယ်။ ဗိုလ်ချုပ်ကြီးမင်းအောင်လှိုင်ဟာ ဗိုလ်ချုပ်မှူးကြီး သန်းရွှေရဲ့ မပြတ်သားမှုကြောင့် တပ်မတော် ကာကွယ်ရေးဦးစီးချုပ်အဖြစ် ဆန့်ငင်ဆန့်ငင်ဖြစ်လာခဲ့ရကြောင်း ဤဝက်ဘ်ဆိုဒ်မှ တင်ပြခဲ့ပြီး ဖြစ်ပါတယ်။ မူလက ဒုတိယဗိုလ်ချုပ်ကြီး သူရမြင့်အောင်ဟာ လုပ်သက်ကော၊ အတွေ့အကြုံပါ လက်ရှိဗိုလ်ချုပ်တွေထက် သာလွန်တာကြောင့် ရုတ်တရက် သူ့အား ဖယ်ရှားလိုက်ခံရချိန်တွင် စိုင်ကော်လို့ ခြုံပေါ်ရောက်လာတဲ့ ဗိုလ်ချုပ်ကြီးမင်းအောင်လှိုင်အပေါ် လက်ရှိဗိုလ်ချုပ်များနဲ့ တိုင်းမှူးများက အထင်မကြီး မလေးစားခဲ့တာကို ကြုံတွေ့နေရပါတယ်။ ဒါကို ဗိုလ်ချုပ်ကြီးမင်းအောင်လှိုင်က ရိပ်မိပြီး သူ့ရဲ့အာဏာနီ တည်ဆောက်တဲ့အနေနဲ့ ပြီးခဲ့တဲ့ လေးလပတ် အစည်းအဝေးမှာ စမ်းသပ်ခဲ့ပါတယ်။ သူ့ရဲ့ စီမံချက်များဖြစ်တဲ့ တပ်မတော် စည်းရုံးရေး ကော်မတီ (စည်း /ကော်)နဲ့ ချိတ်ထားသော တပ်နေပျော်ရေး စီမံချက်၊ ဆင်းရဲမွဲတေမှု ပပျောက်ရေး စီမံချက်များ အကောင်အထည် ဖေါ်နိုင်စွမ်း ရှိမရှိ တိုင်းမှူးများအား မေးခဲ့ပါတယ်။

အမှန်တကယ် အဲဒီ စီမံချက်များဟာ သက်သာ ချောင်ချိရေးအတွက်ဖြစ်ပြီး လုပ်ပိုင်ခွင့်ရှိသူ သမ္မတနဲ့ တပ်မတော် ကာကွယ်ရေးဦးစီချုပ် ခွင့်ပြုချက်ပေးမှသာ အဓိက ပံ့ပိုးမှု ပြေလည်မှာဖြစ်ပါတယ်။ ရှေးရိုးနည်းလမ်းတစ်ခုဖြစ်တဲ့ လစာများ တိုးပေးရန်နဲ့ ဦးပိုင်မှ အမြတ်ငွေများကို စစ်တပ်အား ပိုမိုထောက်ပံ့ ပေးတဲ့နည်းလမ်းသာ ရှိပါတယ်။ လစာများ တိုးပေးတဲ့ ကိစ္စမှာ အစိုးရသစ်က ခွင့်မပြုတာကြောင့် ဦးပိုင်ကိုဘဲ မြှားဦးလှည့်ပါတော့တယ်။ ဦးပိုင်အနေနဲ့ ဒုတိယဗိုလ်ချုပ်ကြီး တင်အေး လက်ထက်ကတည်းက ငွေစာရင်း ရှင်းတမ်း ပီပြင်စွာ မလုပ်နိုင်တာကြောင့် အမြတ်ထက်အရှုံးကို ဦးတည်နေရာ နောက်ဆုံး ကြံရာမရ အနိုင်ကျင့်လို့ရတဲ့ အရာရှိ စစ်သည်များရဲ့ လစာများမှ အချိုးကျ ဦးပိုင်သို့ အစုရှယ်ယာ မစုမနေရ စုဆောင်းခိုင်းတဲ့ နည်းလမ်းကို ကျင့်သုံးခိုင်းပါတော့တယ်။ ဒါကို နည်းလမ်းမကျကြောင်းနဲ့ မဖြစ်သင့်ကြောင်း တိုင်းမှူး တစ်ချို့က တင်ပြကြရာ စစ်တပ်ထုံးစံအရ ဆင်ခြေဆင်လက် Complain တက်သူတွေအဖြစ် တပ်မတော်ကာကွယ်ရေး ဦးစီးချုပ်ရဲ့ Anti အတိုက်အခံပြုသူအဖြစ် မှတ်ချက် တဖက်သတ်ချခဲ့ပါတယ်။ ဗိုလ်ချုပ်ကြီး မင်းအောင်လှိုင်ဟာ အစည်းအဝေးမှာ မင်းတို့ အောက်ခြေကို သေသေချာချာ ဆင်းမကြည့်ဘူး၊ တောင်ပိုင်းတိုင်း တိုင်းမှူး ဖြစ်ခဲ့တဲ့ ဗိုလ်ချုပ်စိုးထွဋ်လို အရာရှိ စစ်သည်တွေနဲ့ တပြေးတည်း ထမင်းဝိုင်းမှာ စားသင့်ရင်စားရမှာဘဲ၊ အင်တာနက် ဝက်ဘ်ဆိုဒ်တွေမှာ ရန်ကုန်တိုင်း စစ်ဌာနချုပ် တိုင်းစည်းရုံးရေး ကော်မတီရဲ့ အစေးမကပ်တဲ့ စည်းကော်လိုမျိုး လက်တွေ့နဲ့ စာတွေ့ ကွာဟချက်လိုမျိုး လုပ်နေရင် ဘယ်လိုမှ ဖြေရှင်းလို့ ရမှာ မဟုတ်ဘူးဟု စကားအခြေအတင် များခဲ့ပါတယ်။ စစ်ရုံးမှာ တာဝန်ထမ်းဆောင်နေတဲ့ စစ်ဦးစီး အရာရှိတစ်ဦးရဲ့ သတင်းပေးပို့ချက်အရ စည်းလုံးခြင်းရဲ့အင်အား ဝက်လ်ဆိုဒ်မှ တင်ပြနေသော သတင်းများနဲ့ ဆောင်းပါးများကို တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က နေ့စဉ် print ထုတ်ခိုင်းပြီး စိတ်ဝင်တစား စောင့်ကြည့်နေကြောင်း ခိုင်လုံစွာ သိရှိရပါတယ်။ အစည်းအဝေးပြီးတဲ့နောက် ဗိုလ်ချုပ်ကြီး မင်းအောင်လှိုင်ဟာ လုပ်နေကြ ထုံးစံဖြစ်တဲ့ ဘယ်သူမှ မကင်းနိုင်တဲ့ အဲဒီတိုင်းမှူးတွေကော အဂတိလိုက်စားမှု ကင်းရဲ့လားဆိုတဲ့ ဆေးခါးကြီး တိုက်ပြီး စတင်မြေလှန်ပါတော့တယ်။ တိုင်းမှူးများ ပြောင်းရွှေ့ရေး အစီအစဉ်(Plan) ကို သမ္မတနဲ့ ဒုသမ္မတ သီဟသူရ တင်အောင်မြင့်ဦး အပါအဝင် ဗိုလ်ချုပ်မှူးကြီး သန်းရွှေအား တင်ပြခဲ့ပါတယ်။ စစ်တပ်ရဲ့ လုပ်ထုံးလုပ်နည်းအရ တိုင်းမှူး ပြောင်းရွှေ့မည့် ဦးရေအား အထက်က လျော့ခိုင်းမည်၊ သို့မဟုတ် တင်ပြတဲ့ အရေအတွက်တိုင်း ခွင့်ပြုမည် တစ်ခုခုကို အတည်ပြုပေးတဲ့ ထုံးစံရှိပြီး စစ်တပ်အတွင်း တည် ငြိမ်မှုကိုတော့ တပ်မတော် ကာကွယ်ရေးဦးစီးချုပ်က တာဝန်ယူရပါတယ်။ Plan ကို စစ်ဘက်နီးစပ်သူများက ခန့်မှန်းရာမှာ စစ်အာဏာရှင် ၃ ဦးရဲ့ ဆတ်ဆတ်ထိ မခံတဲ့ အမိန့်မနာခံမှု၊ တာဝန်ပျက်ကွက်မှုတွေပါ အဲဒီတိုင်းမှူးတွေကို စွပ်စွဲဖေါ်ပြနိုင်ကာ နယ်ဘက် ကိစ္စများတွင် ဝင်ရောက်စွပ်ဖက်ပြီး ကိုယ်ကျိုးစီးပွား ရယူလိုမှုအား အဂတိလိုက်စားမှုနှင့် အဆုံးသတ်နိုင်တယ်လို့ ယူဆကြပါတယ်။

အဓိက ပစ်မှတ်ဖြစ်တဲ့ ရန်ကုန်တိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းသန်းနဲ့ အမှတ်(၅) ကာကွယ်ရေး ဝန်ကြီးဌာန စစ်ဆင်ရေး အထူးအဖွဲ့မှူး ဗိုလ်ချုပ် တင်ငွေ ကစထ (၅) တို့ဟာ တိုင်းဒေသကြီး ဝန်ကြီးချုပ်ဖြစ်တဲ့ ဦးမြင့်ဆွေရဲ့ ပုဂ္ဂိုလ်ရေးရာ မနှစ်သက်မှုကြောင့် သဘောထားမှတ်ချက် ပေးလိုက်လို့ ပိုမို ပြင်းထန်သွားပါတယ်။ တကယ်တော့ ကစထ (၅) ဟာ လက်အောက်ခံ ရန်ကုန်တိုင်းစစ်ဌာနချုပ် တစ်ခုတည်းသာ ရှိပြီး သဘာဝ မကျလှကြောင်း စစ်ဘက်နီး စပ်သူများက ဆိုပါတယ်။ ရန်ကုန်မှာ ဂူတဂူထဲ၌ ခြင်္သေ့ ၄ ကောင် ရှိနေပြီး အဲဒါတွေကတော့ ကစထမှူး၊ တိုင်းဒေသကြီး ဝန်ကြီးချုပ်၊ တိုင်းမှူး၊ မြို့တော်ဝန် တို့ဖြစ်ရာ လုပ်ပိုင်ခွင့် အာဏာကို ပြတ်သားစွာ ခွဲဝေမပေးတဲ့ ဗိုလ်ချုပ်မှူးကြီး သန်းရွှေကြောင့် အချင်းချင်း အဝေမတည့် ဖြစ်ကာ ပုဂ္ဂိုလ်ရေး မုန်းတီးမှု ဖြစ်ပေါ်လာရတာလို့ စစ်ဘက်နီးစပ်သူများက သုံးသပ်ကြပါတယ်။ အချုပ်ဆိုရသော် တိုင်းဒေသကြီး ဝန်ကြီးချုပ်များဟာ ကစထမှူးများနှင့် တိုင်းမှူးများအပေါ် အခွင့်အာဏာ၊ လုပ်ပိုင်ခွင့် မပေးချင်တာက အစပြုပြီး နယ်ဘက်က တိုင်စာ၊ ပစ်စာများကို ဖုံးဖိပေးရမဲ့အစား အချွှန်နဲ့မကာ တပ်မတော်ကာကွယ်ရေး ဦးစီးချုပ်သို့ ပေးပို့တာနဲ့ တိုက်ဆိုင်ပြီး မူက အာဏာနီတည်ဆောက်ချင်တဲ့ ဗိုလ်ချုပ်ကြီး မင်းအောင်လှိုင်ရဲ့ တိုင်းမှူးပြောင်းရွှေ့ရေး Plan အဆုံး အလွမ်းသင့်သွားတာ ဖြစ်ကြောင်း စစ်ဘက်နီးစပ်သူများက သုံးသပ် သတင်းပေးပို့လာပါတယ်။