စိတ်ဓာတ်မြှင့်တင်ရေး - အပိုင်း(၂)

စာဖတ်ပရိသတ်များခင်ဗျား -

လူငယ်လူရွယ်များ ဗဟုသုတ ရစေဖို့ လွယ်ကူသလောက် အကျိုးများစေပြီး ဘ၀အောင်မြင်မှုမှာ အရေးပါတဲ့ စိတ်ဓာတ်မြှင့်တင်ရေး နည်းလမ်းတွေကို ကျွန်တော် ကိုဖိုးတရုတ်က အပိုင်း(၂) အဖြစ် ရှာဖွေ တင်ပြပေး လိုက်ပါတယ်။

ယခင်တပတ်က အနောက်နိုင်ငံ စိတ်ပညာဆရာကြီးများ စိတ်ကို မည်ကဲ့သို့ ယူဆထားပုံကို တင်ပြခဲ့ပါတယ်။ စိတ်ကို (၂) ပိုင်း ပိုင်းထားပြီး အပေါ်ပိုင်းကို အပြင်စိတ်၊ အတွင်းပိုင်းကို အတွင်းစိတ်ဆိုပြီး အတွင်းစိတ်နှင့် အပြင်စိတ် နှစ်လွှာ ခွဲခြားထားတာ ကို ပြောခဲ့ပါတယ်။ ဒီစိတ် (၂) ထပ် ရှိသည့်အနက် အတွင်းစိတ်မှာ လွန်စွာ အရေးကြီးပါတယ်။ ၄င်း စိတ်ပညာဆရာကြီးများ အယူအဆဆိုလျှင် မိမိလိုချင်တဲ့ ဆန္ဒကို ထိုအတွင်းစိတ်နဲ့ ဆက်ပေးနိုင်ရင် လိုချင်တာရမယ်လို့ အယူရှိကြပါတယ်။ လိုချင်တာရမည့် အနှေး အမြန်မှာ အတွင်းစိတ်ကို မိမိဆက်ပေးတဲ့ စိတ် အရှိန်အပေါ်မှာ တည်နေတယ်လို့ ပြောကြပါတယ်။

စိတ်ကို ဆက်သွယ်နိုင်တဲ့ အချိန်ဟာ အိပ်လဲမပျော် နိုးလဲ မနိုး အချိန်မျိုး ဖြစ်ပါတယ်။ ဒီအချိန်မျိုးဟာ ညအိပ်ရာဝင် အိပ်ပျော်ခါနီး အချိန်နှင့် အိပ်ရာထ နိုးစ အချိန်တို့ ဖြစ်ပါတယ်။ အိပ်ခါနီး အချိန်မှာ ကောင်းမြတ် စင်ကြယ်တဲ့ လိုအင်ဆန္ဒကလေးတွေကို အတွင်းစိတ်သို့ ဆက်ပေးခြင်းဖြင့် မိမိလိုသလို အစစအရာရာတွေ ဖြစ်လာနိုင်ပါတယ်။

အတွင်းစိတ်ကို ဆက်သွယ်ပေးရန် နည်းလမ်း (၂) နည်းရှိပါတယ်။ တနည်းက မိမိကိုယ် မိမိ ဖြေးညှင်းစွာ ပြောကြားပေးခြင်း နှင့် နောက်တမျိုးက မိမိဖြစ်လိုတဲ့ အခြေအနေကို ပုံပေါ်လာအောင် တွေးပေးခြင်းပင် ဖြစ်ပါတယ်။ ပုံပေါ်လာအောင် အာရုံပြုပေးခြင်း ဖြစ်တယ်။

မိမိကိုယ်ကို မိမိ ဆုံးမစကားပြောပုံကတော့ ဥပမာ အိပ်ခါနီး အချိန်တွင် မိမိကိုယ်မိမိ ဖြေးညှင်းစွာ ငါဟာ နေကောင်းနေတယ်။ ငါ၏ စိတ်ဓာတ်များဟာ ဖြူစင်နေတယ် အစရှိသော တိုတိုနှင့် ခရီးရောက်မည့် ညှို့ စကား မျိုးကို ပြောပေးနိုင်တယ။် အိပ်ခါနီး အချိန်ဟာ အင်မတန်မှ အရေးကြီးပါတယ်။ အိပ်ခါနီးမှာ ပတ်ဝန်းကျင်က ဆူပူမှု၊ အလင်းရောင်များ ရှိမှု၊ စိတ်ဓာတ်များ မကောင်းမှုတွေဟာ အိပ်ပျော်ခါနီး ပုဂ္ဂိုလ်ရဲ့ စိတ်တို့ကို ဖန်တီး ဆွဲဆောင်ထိခိုက်နိုင်ပါတယ်။ ဒါကြောင့် ပြုပြင်နိုင်ရင် အိပ်ခန်းကို ကျနစွာထားခြင်း၊ အလင်းရောင် မရှိအောင် ထားခြင်း၊ ဆူပူမှု မဖြစ်ခြင်း အစရှိသည်တို့မှာ အရေးကြီးပါတယ်။

မိမိကိုယ်ကို မိမိ (Affirmation) ပေးရာတွင် ဇောမစိုက်ဘဲ အားမစိုက်ဘဲ ပေးစေလိုပါတယ်။ မိမိ ပြောနေသော စကားရဲ့  အဓိပ္ပာယ်ကိုလဲ သိရန်မလိုပါဘူး။ သို့သော် ထူးဆန်းပုံက မိမိပြောနေသော စကားကို အဓိပ္ပာယ်သိသိ၊ မသိသိ အဲဒီအချိန်မျိုးမှာ မိမိပြောနေသလို နောင်ဖြစ်လာတတ်တဲ့အတွက် ဒီကိစ္စမှာ အတော်ဘဲ ထူးဆန်းတာကို တွေ့ရပါတယ်။ ပြောနေရင်း အိပ်ပျော်ချင် အိပ်ပျော်သွားပါလိမ့်မယ်။ အိပ်ပျော် သွားတော့ မိမိကိုယ်ကို မိမိပြောထားတဲ့ စကားအတိုင်း အတွင်းစိတ်ကို ဆွဲဆောင်ဖန်တီးခြင်း မိမိ နောင်လုပ်သော အလုပ်အကိုင်တို့မှာ မိမိညှု့ိစကားပြောထားသလို လုပ်ကိုင်လာတာ တွေ့ရပါလိမ့်မယ်။

ဤကျင့်နည်းမျိုးမှာ လွယ်လွန်းအားကြီးသဖြင့် လွယ်သည်ဟု ထင်ပါသည်။ သို့သော် ဤကျင့်စဉ်မျိုး ၏ထိရောက်မှုမှာ စွဲစွဲမြဲမြဲ ကျင့်သည့် အပေါ်မှာ တည်နေပါတယ်။ ဒါကြောင့် တစ်နေ့ကျင့်ပြီး နောက်တစ်နေ့ မကျင၊့် (၇) ရက်လောက် ကျင့်ပြီး တစ်လလောက်ပစ်ထားလျှင် အကျိုးသက်ရောက်မည် မဟုတ်ပါ။ ကျင့်စဉ်တွင် ဇွဲကောင်းမှု အင်မတန်လိုပါတယ်။ မိမိဟာ ညတိုင်းအိပ်တဲ့ အကျင့်ရှိနေသလို မိမိကိုယ်ကို မိမိညှို့စကား ပြောသော အကျင့်လဲ ရှိနေရပါမယ်။

ညအိပ်ခါနီး အချိန် Affirmation လေ့ကျင့်သလို နံနက်နိုးခါစ အချိန်မှာလည်း Affirmation ကို လေ့ကျင့်နိုင် ပါတယ်။ နိုးစအချိန် မိမိစိတ်ထဲသို့ မည်သည့်အာရုံများမှ မ၀င်မီ မိမိဖြစ်လို တွေ့လိုကြုံလိုသော ဆန္ဒကို ပြောပေးခြင်းဖြင့် တနေ့လုံး အလုပ်လုပ်ရာ၌ ထိုဆန္ဒက ခြုံသွားသဖြင့် လုပ်ရာကိုင်ရာ ကိစ္စ အ၀၀တို့တွင် မိမိလိုချင်သလို အခြေအနေများ ဖြစ်လာနိုင်ပါမည်။

အနောက်နိုင်ငံ လက်တွေ့စိတ်ပညာဆရာကြီးများ၏ အယူအဆအတိုင်းမှာ (၂) ချိန်က လွဲပြီး အတွင်းစိတ်ကို ဆက်နိုင်သော အချိန်များမှာ လွယ်ကူသည်ဟု မဆိုနိုင်ကြပါ။ သို့သော်လည်း ဤအခြေအနေမျိုးကို ဖန်တီး၍ လည်းယူနိုင်ပါသေးသည်။ ဥပမာ လူတစ်ယောက်ဟာ ရုံးလုပ်ငန်းများကို လုပ်နေသည့်ကြားမှ ခေတ္တငြိမ်ငြိမ် နေပြီး နှုတ်မှ တိုးတိုးဖြစ်စေ၊ မိမိစိတ်ထဲမှာ ဖြစ်စေ မိမိဖြစ်လိုရောက်လိုသော အခြေအနေ စကားတို့ကို ပြောပေးနိုင်ပါတယ်။ အဲဒီခါမျိုးမှာ မိမိအခန်း သတ်သတ်ရှိပါက ပို၍ ကောင်းပါတယ်။ ထို့အတူ ညနေရုံးမှ ပြန်သောချိန်တွင် မာသောကြမ်းပြင်ပေါ်မှာ ပက်လက်လဲလျောင်း၍ သော်လည်းကောင်း (သို့မဟုတ်) ကုလားထိုင်ပေါ်တွင်ထိုင်၍ လည်းကောင်း သက်သာစွာ နေပြီး မိမိကိုယ်ကို မိမိ “ငါနေကောင်းနေတယ်၊ ငါ့စိတ်ကြည်လင်နေတယ်၊ ငါအောင်မြင်မယ်” အစရှိတဲ့ မိမိကိုယ်ကို မိမိအားပေးတဲ့ စကားမျိုးကိုလည်း ပြောပေးနိုင်ပါတယ်။ ဒီနည်းကတော့ ဖန်တီးပြီးတော့ စွမ်းဆောင်ရတဲ့နည်း ဖြစ်တယ်။ ညအိပ်ရာ ၀င်ခါနီးနှင့် နံနက်ထစအချိန်ကတော့ သဘာဝအတိုင်း ဖြစ်တဲ့ အချိန်များ ဖြစ်နေပါတယ်။

ဘယ်လိုဘဲဖြစ်ဖြစ် ဤနည်းမျိုးကို တနည်းနည်းနဲ့ သော်လည်းကောင်း၊ နည်းအားလုံးသော်လည်းကောင်း စွမ်းဆောင်နိုင်မည်ဆိုပါက လူတယောက်ရဲ့  စိတ်ကူးများဟာ အောင်မြင်ခြင်းဘက်သို့ ယိုင်ပြီး မိမိတဦးတည်း ထဲသာမက မိမိ၏ ပါတ်ဝန်းကျင်နှင့် တိုင်းပြည်တပြည်လုံး တိုးတက်မှုကို စွမ်းဆောင်ပေးနိုင်ပါလိမ့်မယ်။

ထို့အတူ မိမိရလို ဖြစ်လိုသော အခြေအနေကို မျက်စိထဲတွင် ပေါ်လာအောင် အာရုံထူသော Visualization နည်းမှာလည်း Affirmation ကျင့်သော အချိန်မျိုးကဲ့သို့ ကျင့်နိုင်ပါတယ်။ ဤ ကျင့်စဉ်မှာတော့ မိမိစိတ်ထဲက သော်လည်းကောင်း၊ နှုတ်က ဖြည်းဖြည်း သော်လည်းကောင်း မည်သို့မှ မပြောဘဲ မိမိဖြစ်လိုသော အခြေအနေ ကို ပုံပေါ်အောင် အာရုံပြုပေးခြင်း ဖြစ်ပါတယ်။ ဥပမာ ဆိုရင် လူတယောက်ဟာ စစ်တပ်ကြီးကို အုပ်ချုပ်တဲ့ စစ်ဗိုလ်ကြီး ဖြစ်လိုတယ်ဆိုပါတော့ ဤပုဂ္ဂိုလ်မျိုးဟာ ညအိပ်ခါနီး အချိန်မှာ ဖြစ်ဖြစ် နံနက်နိုးခါစ အိပ်ရာမှ မထမီ ဖြစ်ဖြစ် သို့တည်းမဟုတ် အားလပ်တဲ့ အချိန်မှာ ဖြစ်ဖြစ် မျက်စိမှိတ်လျက် မိမိရှေ့ တွင် စစ်သား မြောက်များစွာ စစ်ချီလာပုံ၊ မိမိက အမိန့်ပေးနေပုံ၊ မိမိက အုပ်ချုပ်နေပုံတို့ကို တကယ်ဖြစ်နေသလို အာရုံတွင် ပေါ်လာအောင် စိတ်ကူးပေးရတယ်။ ဒီနေရာမှာ အချို့ က အရူးတွေး တွေးတယ်လို့ ယူဆနိုင်တယ်။

အရူးများ တွေးတာက Un-guided-imagination လို့ခေါ်တယ်။ ရည်ရွယ်ချက်မရှိဘဲ တွေးချင်ရာ လျှောက်တွေးတာ၊ ယခု တွေးပုံက မိမိဖြစ်လို ရောက်လိုရာကိုမူတည်ပြီး တွေးတဲ့အတွက် Guided or Creative imagination ဖြစ်တယ်။ ဒီကျင့်နည်းကို အမှတ်တမဲ့ ပြောမယ်ဆိုရင် လွယ်လိမ့်မယ် အောက်မေ့ရတယ်။ သို့သော် ထင်သလောက် မလွယ်ဘူး။ မျက်စိမှိတ်ထားပြီး အာရုံပေါ်လာအောင် တွေးရခြင်းမှာ မလွယ်ဘူး။ မလွယ်တဲ့အတွက် ဒီကျင့်စဉ်မျိုးကို မကျင့်မီ Visualization အနုစားကလေးများ သော်လည်းကောင်း၊ အဖြစ်အပျက် တချို့ ကို ပြန်ပြီး တွေးခေါ်တဲ့ Recall နည်းများနဲ့သော်လည်းကောင်း ကျင့်ပေးရတယ်။

ဥပမာဆိုရင် အေးဆေးငြိမ်သက်တဲ့ နေရာတခုမှာ စိတ်နှစ်ခြိုက်စွာ ထိုင်ပြီး မိမိရှေ့ တွင် အင်မတန် လွယ်ကူစွာ ကြည့်နိုင်တဲ့ မီးချစ်ဘူး သော်လည်းကောင်း၊ ရေးသားထားတဲ့ ဂဏာန်းတစ်လုံးကို သော်လည်းကောင်း၊ မျက်စိ ဖွင့်လျက်နေပြီးလျှင် တဖန် မျက်စိမှိတ်ခါ ထို မှတ်သားသော အရာကို အာရုံနှင့် မြင်မမြင် စုံစမ်း ကြည့်ရှုနိုင်ပါတယ်။ အဲဒီလို လေ့ကျင့်ပါများတဲ့အခါမှာ အာရုံယူတတ်ပြီး ခုနက တင်ပြခဲ့တဲ့ Visualization နည်းကို တိုးတက်ကျင့်လာနိုင်ပါလိမ့်မယ်။

နောက်တနည်းက မိမိ အိပ်တော့မယ်ဟု လဲလျောင်းနေစဉ် နံနက်က စ၍ အိပ်ခါနီးအထိ မိမိဘာတွေများ လုပ်ခဲ့တယ်ဆိုတာကို တဖြေးဖြေး ပြန်လည်ပြီး အာရုံပြု ကြည့်နိုင်ပါတယ်။ ဒီလို အာရုံပြုကြည့်တဲ့အခါမှာ ကျင့်ပါများတော့ နံနက်ထသော အချိန်မှစပြီး ညနေအိပ်ရာဝင်ခါနီးအထိ မိမိလုပ်ခဲ့သမျှ အပြုအမူတွေကို အသေးစိတ်ပင် မြင်နိုင်တဲ့အပြင် ရုပ်ရှင်များ ကြည့်သလို မိမိတစ်ကိုယ်တည်း နှစ်ကိုယ်ခွဲပြီး တစ်ဦးက အိပ်နေ တစ်ဦးက မိမိရှေ့ တွင် သွားလာပြနေသကဲ့သို့ပင် ဖြစ်လာတတ်ပါတယ်။

တိုင်းပြည်ကို ထူထောင်ကြတဲ့ ပုဂ္ဂိုလ်တွေ မိမိကိုယ်ကို မိမိ တိုးတက်အောင် ကြိုးစားခဲ့သူတွေ Inventer ကြီးတွေက မိမိတို့ ကိုယ်ကို မိမိ မသိဘဲ Visualization နည်းကို အချိန်များစွာ အသုံးပြုနေတာ တွေ့ရပါတယ်။ မြို့ ပြတစ်ခုပြုပြင်နေတဲ့ ပုဂ္ဂိုလ်တဦးဟာ သူ့မျက်စိထဲမှာ ဒီမြို့ ပြကို ပြုပြင်တဲ့ အစီအစဉ်တွေကို တိတိကျကျ မြင်ထားရပါတယ်။ တိုင်းပြည် အုပ်ချုပ်ဖို့ စည်းမျဉ်း ဆွဲတဲ့ ပုဂ္ဂိုလ်လဲ အဲဒီစည်းမျဉ်း မဆွဲမိ စည်းမျဉ်း ဆွဲပြီး ကျရောက်မည့် အခြေအနေကို အကုန်လုံး ထင်ထင်ရှားရှား မိမိအာရုံမှာ ပေါ်မှ အုပ်ချုပ်နည်းတွေ ရှင်းလင်းပေါ်နေမှသာ ရေးဆွဲနိုင်ပါတယ်။

အနောက်နိုင်ငံ လက်တွေ့ စိတ်ပညာ ဆရာကြီးများ၏ အယူအဆကတော့ မိမိမှ ဆန္ဒရှိလျှင် ၄င်း ဆန္ဒကို အတွင်းစိတ်ကို ဆက်ပါစေတဲ့၊ ဆက်တဲ့အခါမှာ ဆက်တဲ့ စိတ်အရှိန်ပေါ်မှတည်ပြီး အကျိုး သက်ရောက် ပါတယ်။ ကျင့်တဲ့ ဇွဲရှိတဲ့ အပေါ်မှာ အကျိုးသက်ရောက်ပါတယ်။ ဆက်သွယ်ရမဲ့ အချိန်ဟာလည်း ညအိပ်ရာ ၀င်တဲ့အချိန်နဲ့ မနက်နိုးစ အချိန်များ ဖြစ်ပြီး တိတ်ဆိတ်တဲ့ အချိန်များဟာ အကောင်းဆုံး အချိန်များဟု ယူဆပြီး ဆက်သွယ်ပေးတဲ့ နည်း (၂)မျိုးမှာလည်း (၁) စိတ်နှင့်သော်လည်းကောင်း၊ နှုတ်နှင့် တိုးတိုး သော်လည်းကောင်း ပြောပေးသော နည်းနှင့် မိမိ ဖြစ်လိုရောက်လိုသော အခြေအနေပုံပေါ်လာအောင် အာရုံပြု ပေးသော နည်းဖြစ်ပါတယ်။

ကောင်းတဲ့ စိတ်ကူးနောက် ကောင်းကျိုး လိုက်သလို မကောင်းတဲ့ စိတ်ကူးနောက်ကိုလဲ မကောင်းကျိုး လိုက်တယ်။ ဒီကျင့်စဉ်များဟာ မိမိကောင်းကျိုး သူတပါး ကောင်းကျိုး ၊ဗမာပြည် တစ်ပြည်လုံး ကောင်းကျိုးကို ရှေ့ ရှုပြီး လေ့ကျင့်မှ အထူးပင် သင့်တော်ပါလိမ့်မယ်လို့တင်ပြရင်း နိဂုံးချူပ် လိုက်ပါတယ်။