ရန်ကုန်တိုင်းစစ်ဌာနချုပ် လက်အောက်ခံ တပ်ရင်းတပ်ဖွဲ့များအပေါ် တိုင်းစည်းရုံးရေး ကော်မတီအနေဖြင့် ကျားကန်ပြီး အနိုင်နိုင်စည်းရုံးနေရကြောင်းကို ဆက်တိုက် တင်ပြပေးလျက်ရှိရာ (စည်း/ကော်) အစည်းအဝေးမှာ ရန်ကုန်တိုင်း စစ်ဌာနချုပ်တိုင်းမှူး ဗိုလ်မှူးချုပ်ထွန်းသန်းရဲ့ အဖွင့်မိန့်ခွန်း ကောက်နုတ်ချက်အား စစ်ဘက်နီးစပ်သူများက “စည်းလုံးခြင်းရဲ့အင်အား” ဝက်ဘ်ဆိုဒ်သို့ ဆက်လက်သတင်း ပေးပို့လာပါတယ်။
သူကဆက်ပြောရာမှာ ပြစ်မှုဖြစ်ပွားရာတွင် အချို့ကိစ္စများ၌ ဥပဒေအရ အရေးယူခြင်းထက် အုပ်ချုပ်မှု အခွင့်အာဏာအရ အရေးယူခြင်းသည် ပိုမို မြန်ဆန်ရုံသာမက ပြစ်မှုကြောင့် အင်အားပြုန်းတီး ဖြစ်ပွားမှုကို လျှော့ချနိုင်မည်ဖြစ်ကြောင်း၊ တာဝန်ရှိသူများက ပြစ်မှုအခြေအနေအပေါ် မူတည်ပြီး တပ်မတော်တွင် ရောဂါကြောင့် သေဆုံးပြီး ပြုန်းတီးဖြစ်ပွားနေမှုကို လျော့နည်းစေရန်အတွက် စစ်သည်အဆင့်အတန်း အားလုံးအား ကျန်းမာရေး ဗဟုသုတ ကြွယ်ဝအောင် ဟောပြောဆွေးနွေးခြင်း၊ ပညာပေးခြင်းများ ဆောင်ရွက်သကဲ့သို့ ကျန်းမာရေးသတိရှိရှိဖြင့် နေထိုင်တတ်စေရေးအတွက် တာဝန်ရှိသူများက လက်တွဲညီညီ ဝိုင်းဝန်း ဆောင်ရွက်ကြရန် လိုအပ်ကြောင်း ပြောကြားသွားတယ်လို့ သိရှိရပါတယ်။
ဆက်လက်ပြီး တပ်တွင်း/တပ်ပြင် စည်းရုံးရေးနှင့် တိုက်ရိုက်ဆက်စပ်နေသော တပ်နေပျော်ရေး စီမံချက်များအား လက်တွေ့ အကောင်အထည်ဖော်နိုင်မှု အားနည်းနေသောကြောင့် အင်အားပြုန်းတီးမှုများ ဆက်လက်ဖြစ်ပေါ်နေသဖြင့် လက်တွေ့ကျကျ ထိထိရောက်ရောက် အကောင်အထည်ဖော် ဆောင်ရွက်နိုင်ရေးကို စည်းရုံးရေး ကော်မတီအဆင့်ဆင့်က ကြပ်မတ် ဆောင်ရွက်ပေးကြရန် လိုအပ်တယ်လို့ တိုင်းမှူးရဲ့ပြောကြားပုံအား သုံးသပ်ရရင် စစ်တပ်မှ ထွက်ပြေးသူ များပြားတာ ပေါ်လွင်နေပါတယ်။ အရာရှိ/စစ်သည်များ အနေဖြင့် အရက်သေစာ သောက်စားခြင်း၊ ဆေးလိပ်သောက်ခြင်း၊ ကွမ်းစားခြင်းများကြောင့် အကျိုးမဲ့ ငွေကြေးပြုန်းတီးမှုများနှင့် ဆုံးရှုံးမှုများ ဖြစ်ပေါ်စေလျှက်ရှိသဖြင့် တာဝန်ရှိသူ အဆင့်ဆင့်မှ အလေးထား ကြပ်မတ်ဆောင်ရွက်ပေးရန်နှင့် ကာကွယ်တားဆီး ပညာပေးဆွေးနွေးမှုများ စဉ်ဆက်မပြတ် ဆောင်ရွက်သွားကြရန် လိုအပ်တယ်လို့လည်း တိုင်းမှူးက မိန့်ခွန်းချွေနေပုံကိုထောက်ရင် အရာရှိများ စည်းကမ်းပျက်နေကြလို့ ဒေါသူပုန်ထနေဟန် ရှိပါတယ်။ ဆက်လက်ပြီး တပ်တည်ဆောက်ရေးလုပ်ငန်းများ အကောင်အထည်ဖော်ရာတွင် ချမှတ်ထားသော ရည်မှန်းချက်တာဝန်ကို သွေဖီ၍မသွားစေရေး အထူးအရေးကြီးသဖြင့် ရည်ရွယ်ချက် ဖော်ဆောင်မှုလွဲက အကျိုးရလဒ်များ ပြောင်းလဲလာမည်ဖြစ်သဖြင့် သေချာစွာ လေ့လာဆောင်ရွက်ကြရန် လိုအပ်ကြောင်း ပြောကြားသွားတယ်လို့ သိရပါတယ်။
အဲဒီနောက် အစည်းအဝေး အစီအစဉ်အရ ၎င်းတို့ တာဝန်ယူ ကြပ်မတ်စစ်ဆေးပေးရသော တပ်များ၏ စည်းရုံးရေးလုပ်ငန်း ဆောင်ရွက်နိုင်မှု၊ သက်သာချောင်ချိရေး ဆောင်ရွက်ပေးနိုင်မှု၊ စိုက်ပျိုးမွေးမြူရေး ဆောင်ရွက်နိုင်မှု၊ တပ်သားသစ် စုဆောင်းရရှိမှု၊ ပြုန်းတီးဖြစ်ပွားမှု အခြေအနေများ၊ တပ်ရင်းရန်ပုံငွေနှင့် ဦးပိုင်သို့ အစုရှယ်ယာ ထည့်ဝင်နိုင်မှု အခြေအနေများနှင့် တပ်စစ်ဆေးစဉ် ညွှန်ကြားကြပ်မတ်ခဲ့မှု အခြေအနေများကို အသီးသီးတင်ပြ ဆွေးနွေးခဲ့ကြကြောင်း သိရှိရပါတယ်။ အဲဒီမှာ ဦးပိုင်အစုရှယ်ယာ ထည့်ဝင်နိုင်မှု အစီအစဉ်အရ တပ်ရင်းမှူးများက ခေါင်းကုပ်ပြီး သူတို့ရဲ့ တပ်များမှာ အစုရှယ်ယာ မတိုး တိုးအောင် တင်ပြကြရကြောင်း သိရှိရပါတယ်။ ရဲမွန် တပ်မ (၁၁) ရဲ့ တပ်ရင်းတွေက အစုရှယ်ယာ တိုးပွားနိုင်ရေးအတွက် စစ်သည်များရဲ့ ဘဏ်စုဆောင်းငွေမှ ကာယကံရှင်မသိဘဲ တပ်ရင်းမှူးအချို့ရဲ့ ဇွတ်တရွတ် ခေါင်းစဉ်ပြောင်းမှု ပြဿနာဖြစ်စဉ်ကို သတိရမိကြောင်း စစ်ဘက်နီးစပ်သူများက ဤဝက်ဘ်ဆိုဒ်သို့ ပြောဆိုခဲ့ပါတယ်။
ဆက်လက်ပြီး အစည်းအဝေး အစီအစဉ်အရ တိုင်းစည်းရုံးရေးကော်မတီမှ ချမှတ်ပေးထားသော “စစ်သည်များ၏ လိုအပ်ချက် အချိန်မီဖြည့်ဆည်းပေးနိုင်ရေး” ခေါင်းစဉ်အား အမှတ် (၅၃၂) ခြေမြန်တပ်ရင်းမှ တပ်ရင်းမှူး ဒုတိယဗိုလ်မှူးကြီး မိုးမြင့်ကျော်မှ Power Point ဖြင့် ရှင်းလင်းဆွေးနွေး တင်ပြခဲ့ကြောင်း သိရှိရပါတယ်။
No comments:
Post a Comment